Nisi sot zyrtarisht vaksinimi i operatorëve turistik në qytetin e Durrësit. Rreth 450 persona u regjistruan për të marrë vaksinën kineze Sinovac, ndërsa procesi u inspektua nga kryeministri Edi Rama dhe ministrja e Shëndetësisë, Ogerta Manastirliu. Ditën e nesërme pritet të fillojë vaksinimi i operatorëve turistik në Kukës, ndërsa të hënën në qytetin e Krujës.
Vaksinimi i operatorëve turistikë ishte një kërkesë e sipërmarrësve të kësaj fushe që kërkuan mbështetje nga qeveria për të lehtësuar situatën në prag të sezonit që pritet të nisë në verë. Deri më tani, numri në total i personave të vaksinuar është 314.622, ndërsa këto dy ditë pritet të vijnë 90.800 doza të AstraZeneca.
Kryeministri Edi Rama ka inspektuar nga afër këtë proces në Durrës, ndërsa theksoi se hotelet, duke nisur nga bregdeti, do të jenë covid-free. Ai bëri me dije se një tjetër kategori që do të vaksinohet janë edhe punonjësit e fasonerisë dhe transportuesit e udhëtarëve.
Ndërkohë, ministrja Ogerta Manastirliu tha se janë rreth 2 mijë të regjistruar në fazën e parë për vaksinimin.
“Sot duhet të informohen edhe të tjerët qeveria është gati që të vaksinojë të gjitë personelin e strukturave hoteliere, të bregdetit si fillim. Janë ato që do të kenë dhe masën më të madhe të turizmit që do të presim. Japi garanci për turistët që do të vijën të gjejnë hotele covid-free. Të gjithë të aplikojnë në Ministrinë e Turizmit ne.”, tha Rama.
Ndërkohë, ai bëri me dije se një tjetër kategori që do të vaksinohet janë edhe punonjësit e fasonerisë dhe transportuesit e udhëtarëve.
“Dy kategori të tjera janë punonjësit e fabrikave dhe një kategori tjetër janë transportuesit e udhëtarëve. Janë në një zonë risku të konsiderueshme. Më drejtorinë e Transportit Rrugor kemi nisur hartimin e listave për transportuesit e udhëtarëve në vend, që edhe ata të jenë të mbrojtur.”, pohoi ai.
