Nis sot fushata zgjedhore e Kosovës dhe do të zgjasë deri më 12 shkurt. Bëhet fjalë për zgjedhjet e parakohshme, e cila do të jetë me 143.006 më pak se zgjedhjet e fundit.
Në listën e çertifikuar nga Komisioni Qendror i Zgjedhjeve (KQZ) numri i votuesve do të arrijë deri në shifrën e 1,794,862 qytetarësh. Gjithashtu në këto zgjedhje do të jenë edhe 102 mijë votues nga diaspora.
Përsa i përket pandemisë e cila i vështirëson proceduart e votimit, do të bëhët idenftifikimi i i personave me korona virus duke nisur nga sot (2 shkurt) dhe do të zgjasë deri më 11 shkurt. KQZ-ja do të dërgojë ekipe mobile te personat të cilët shprehin vullnetin për të votuar nëpër adresat e tyre.
Për fushatën elektorale ka folur edhe kryetarja e Komisionit Qëndor të Zgjedhjeve , Valdete Daka e cila ka shprehur mirënjohen për bashkëpunimin ndërinstitucional. Ajo ka shtuar se KQZ është angazhuar vazhdimisht për organizim të zgjedhjeve të besueshme dhe me standard të lartë.
“Jemi të vetëdijshëm që bashkëpunimi ndërinstitucional është i domosdoshëm për ti shërbyer zgjedhjeve të lira dhe demokratike. Qëllimi ynë është që zgjedhjet të mbahen në përputhje me ligjin dhe të reagojmë kur cenohet integriteti i zgjedhjeve dhe e drejta e votës”, ka thënë Daka.
