Ka nisur sesioni i ri parlamentar në Kuvendin e Shqipërisë, i cili është hapur me himnin kombëtar.
Sesioni i VIII i Legislaturës së X do të vijojë deri në mars, para se të kalojë në fazën e përgatitjeve për zgjedhjet parlamentare të 11 majit.
Pas përplasjes dhe bojkotimeve të kohëve të fundit, deputetët e të gjitha palëve politike do të përpiqen të gjejnë një gjuhë të përbashkët për nisma të ndryshme.
Sfida kryesore që i pret parlamentin është ndryshimi i Kodit Zgjedhor, një proces i nevojshëm për realizimin e votës së diasporës, që do të implementohet për herë të parë.
PD dhe PS do të duhet të bashkojnë forcën për të miratuar ndryshime të rëndësishme, si ato teknike, ashtu edhe ato politike, për zhvillimin e këtij procesi.
