Sot në orën 12:00 nisin intervistat për përzgjedhjen e shefave të rinj të komisariateve në mbarë vendin.
Procesi do të zgjasë deri më 10 dhjetor dhe përfshin 274 aplikantë që garojnë për 49 pozicione.
Komisioni i Vlerësimit në Drejtorinë e Përgjithshme të Policisë, i përbërë nga kryetarja Alma Përmeti dhe anëtarët Ervina Gjana dhe Anisa Duçkollari, do të intervistojë sot 26 aplikantët e parë. Çdo seancë intervistimi zgjat jo më shumë se 20 minuta.
Pas përfundimit të procesit, rezultatet i dërgohen Drejtorit të Përgjithshëm të Policisë, Muhamet Proda, i cili vendos për emërimet. Kandidatët që grumbullojnë mbi 70 pikë shpallen fitues.
