Teksa ka nisur mbledhja e kryetarëve, ka pasur sërish përplasje mes deputetëve të opozitës dhe gardës që nuk i ka lejuar ata të hyjnë në sallën e Konferencës së Kryetarëve. Deputeti Flamur Noka kërkoi një dokument ku ndalohej hyrja e deputetëve.
“Kush është ajo që mbyll derën”, bërtet Gazment Bardhi, ndërsa më pas deputetët e opozitës shtynë me forcë derën dhe e hapin atë, duke hyrë të gjithë në sallë, e cila në atë moment rezulton bosh. “Hiqni Gardën nga aty”, kërkon Bardhi.
Kujtojmë që mbledhja u shty për në orën 13:00 pasi deputetët e opozitës nuk lejuan anëtarë të mazhorancës dhe ministrin e Financave që të hyjë në sallë.
