Tre milion maska për fytyrën mendohet të hidhen çdo minutë ka zbuluar një studim i fundit. Në qershor të vitit 2020, studiuesit në Universitetin e Aveiro në Portugali vlerësuan se 129 miliardë maska për fytyrën përdoren çdo muaj në të gjithë botën.
Ekspertët në Universitetin e Danimarkës e kanë përshkruar statistikën shqetësuese, e cila arrin në tre milion maska fytyre në minutë. Në studim thuhet se bota duhet ‘ta njohë urgjentisht këtë kërcënim të mundshëm mjedisor’ nga maskat plastike.
Një faktor kyç që mund të kontribuojë në problem është se maskat e fytyrës janë një fenomen i ri në shumicën e vendeve në të gjithë botën. Ndërsa jemi mësuar mjaft të riciklojmë sende të tilla si shishet plastike, nuk ka ndonjë udhëzim zyrtar për riciklimin e maskave.
Ashtu si sendet e tjera, fibrat plastike në maskat e fytyrës nuk mund të biodegradohen lehtë, por copëtohen në grimca plastike më të vogla që përhapen në ekosistemet. Polipropileni është një nga plastikat më të prodhuara dhe përdorimi i lartë ka çuar në një akumulim të madh të mbeturinave në mjedis, thuhet në studim.
Studiuesit thanë që maskat nuk po mblidheshin dhe menaxhoheshin si duhet, duke çuar në maska që përfundonin në mjedise me ujë të ëmbël, të tilla si lumenj dhe oqeane. Në fund të vitit 2020, një raport i botuar nga OceansAsia zbuloi se më shumë se 1.5 milion maska për fytyrën kishin hyrë në oqeanet e botës në vitin e fundit. Shkencëtarët thanë se kjo shtoi 4,680 deri në 6,240 tonë metrikë plastikë detare në shifrat e ndotjes. Sipas gjetjeve, maskat e fytyrës mund të duhen deri në 450 vjet për t’u shpërbërë.
Gary Stokes, drejtori i studimeve, tha se ndotja plastike detare po ka një ndikim shkatërrues në oqeane dhe duke vrarë 100,000 gjitarë dhe breshka detare çdo vit.
