Ministri i Mbrojtjes Niko Peleshi ka patur një deklaratë për mediat së bashku me ministrin e Brendshëm Bledi Çuçin ku kanë folur në lidhje me ngjarjet me uzinat e armëve në Grmash dhe Elbasan. Peleshi deklaroi sot se po e trajtojnë me seriozitet ngjarjen e Gramshit dhe se institucionet kanë vepruar në kohë dhe siç duhet.
Ministri e ka justifikuar me fkatin se këto sume vijnë për shkak të rajonit delikat në të cilin ndodhemi por nuk përjashtoi mundësinë që ngjarja mund të ketë qenë për të tërhequr vëmendjen nga ndonjë skenar tjetër.
Ndërkohë përsa i përket sekretit shtetëror Peleshi bëri të ditur se uzinat e përpunimit të armëve nuk janë më aktive, por ato ruhen nga Forcat e Armatosura dhe nuk mund të futesh pa marrë leje.
“Ngjarjet e fundit nuk janë të zakonshme. Të gjitha institucionet kanë vepruar në kohë dhe siç duhet. Dua t’ju konfirmoj se jemi të përgjegjshëm dhe seriozë në trajtimin e ngjarjes së Gramshit.
Ka disa nivele klasifikimi të pronave të ushtrisë, baza dhe ish uzinave. Ato që janë të klasifikuara nuk është e lehtë, madje e pamundur të aksesohen. Kemi edhe shumë sajte të tjera që i kanë përkitur dikur industrisë ushtarake që janë të vizitueshme, por për sa kohë janë në administrim të ushtrisë, vizita duhet të bëhet me leje.
Ne nuk kemi iindustri ushtarake. Ato nuk janë aktive. Ka aktivitet sporadik të demontimit të armëve të ndryshme. Do të thotë thjeshtë shkatërrimi. Aktiviteti I tyre ishte vitin e kaluar. E njëjta gjë është edhe për Poliçanin. Aty nuk prodhohen më lëndë plasëse, por asgjësohen lëndë plasëse të ndryshme. Vazhdojnë të ruhen nga personali ushtarak.
Kjo nuk e revalitizon më shumë ngjarjen në Gramsh. Kemi të bëjmë me një grup të huajsh. As nuk kanë tentuar ta vizitojnë atë pronë me leje, por kanë tentuar të hyjë në të, njëri ka kapërcyer rrethimin dhe ka reaguar dhunshëm. Sado që unë solla një pasqyrë të vërtetë larg ekzagjerimeve të politikë, nga ne po trajtohet me seriozitet.
Kemi të bëjmë me tre të huaj që kishin goxha ditë në Shqipëri. Edhe për shkak se mund të jetë edhe ngjarje s’na shqetëson shumë se çfarë kanë fotografuar në Gramsh, por mund të kenë pasur qëllim të devijojnë vëmendjen nga një skenar tjetër. Ne jetojmë në një rajon delikat”, tha Peleshi.
Kujtojmë se dy rusë dhe një ukrainas u ndaluan, pasi tentuan të futen në ish uzinën e përpunimit të armëve në Gramsh. Njëri kaloi rrethimin dhe gjatë përleshjes me ushtarët lëndoi dy prej tyre. Prokuroria ka ngritur ndaj tyre akuzat e spiunazhit, ndërsa ata kanë deklaruar se janë turistë.
