Viktimat e sulmit në Norvegji nuk u vranë me një shigjetë siç mendohej më parë, njoftoi policia të hënën.
Pesë persona u vranë në tërbim në Kongsberg pranë Oslos të mërkurën e kaluar. Të paktën tre të tjerë, përfshirë një oficer policie jashtë detyrës, u plagosën rëndë.
Policia kishte raportuar fillimisht për viktima “pasi një burrë u pa duke ecur me atë që supozohej se ishte një shigjetë dhe hark”. Ata tani kanë sqaruar se ndërsa një hark dhe shigjetë ishte përdorur për të sulmuar njerëzit, ajo ishte hedhur para se të ndodhnin vrasjet.
“Kur i akuzuari mbërriti në Hyttegata, ai nuk kishte më hark dhe shigjetë. Në Hyttegata, pesë persona u vranë me armë të ftohta”, tha policia norvegjeze në një deklaratë të hënën.
“Disa u vranë brenda shtëpive të tyre, disa jashtë në hapësirën publike”, thuhej më tej në deklaratë.
Ata shtuan se kanë “konfiskuar armë prerëse që mund të lidhen me veprimet”, por nuk pranuan të japin detaje të tjera “për hir të viktimave dhe dëshmitarëve që ende nuk janë marrë në pyetje”. Ata kishin njoftuar javën e kaluar, se kishin marrë gjithsej tre armë, përfshirë një hark dhe shigjetë
Autori, Espen Andersen Braathen, u arrestua menjëherë pas sulmit të tij dhe pranoi vrasjet, tha policia. Ai është ndaluar për katër javë, dy prej të cilave në izolim, dhe i është ndaluar komunikimi. Shtetasi danez 37-vjeçar po mbahet për pesë akuza për vrasje me paramendim dhe tre akuza për tentativë vrasje me paramendim.
