Ngjarje tragjike në MotoGP. Piloti 19-vjeçar, Jason Dupasquier, ka ndërruar jetë pas një aksidenti fatal në provat e lira. Garat me motora janë një ndër sportet më të rrezikshme dhe aksidente të tilla, por dhe fatalitete, janë regjistruar disa herë gjatë viteve të fundit. Ka qenë vetë faqja zyrtare e MotoGP, që ka njoftuar për vdekjen e 19-vjeçarit.
Njoftimi i MotoGP – “Pas një incidenti të rëndë në seancën Kualifikuese 2 të Moto3 në Gran Premio d’Italia Oakley, me trishtim të madh raportojmë për vdekjen e pilotit të Moto3, Jason Dupasquier.
Dupasquier u përfshi në një incident me shumë pilotë midis Kthesave 9 dhe 10, me seancën me Flamurin e Kuq pas kësaj. Automjetet e ndërhyrjes mjekësore FIM arritën në vend menjëherë dhe piloti zviceran mori ndihmën e duhur para se të transferohej me helikopter mjekësor, në një gjendje të qëndrueshme, në Spitalin Careggi në Firence.
Përkundër përpjekjeve më të mira të stafit mjekësor dhe të gjithë atyre që vijojnë më pas me pilotin zviceran, spitali ka njoftuar se Dupasquier fatkeqësisht nuk u ka mbijetuar plagëve të tij.
Dupasquier kishte bërë një fillim mbresëlënës në sezonin e tij të dytë në garat e Grand Prix, duke shënuar vazhdimisht pikë dhe brenda dhjetë të parëve në renditje”.
