Një person ka ndërruar jetë ditën e sotme teksa ka qenë brenda urbanit të linjës “Qendër Sanatorium” në Tiranë. Ngjarja mësohet të ketë ndodhur në stacionin e autobusit në “rrugën e Elbasanit”. Policia në njoftimin e saj tregon se personi që ka ndërruar jetë është rreth moshës 65-vjeçare, por nuk është identifikuar ende. Mësohet se personi ka qenë duke udhëtuar me urbanin në kryeqytet dhe ka ndërruar jetë brenda tij. Personi dyshohet se ka humbur jetën si shkak i një arresti kardiak.
Njoftimi i plotë i Policisë
“Rreth orës 13:00, një shtetas ende i paidentifikuar, rreth 65 vjeç, dyshohet se si pasojë e arrestit kardiak ka humbur jetën gjatë udhëtimit në një mjet autobus.”
Një tjetër ngjarje e rëndë ka ndodhur rreth orës 13:30 në Tiranë, ku nje 12 vjeçar qëlloi me thikë të vëllain, 17 vjeç. Adoleshenti është dërguar në spital ku dhe ndodhet jashtë rrezikut për jetën. Ndërkohë që grupi hetimor ka mbërritur në vendngjarje dhe po vijon punën për sqarimin e rrethanave të ngjarjes.
Njoftimi i policisë:
“Rreth orës 13:30, në rrugën “Hysen Xhura”, janë konfliktuar për motive të dobëta 2 vëllezër me njëri-tjetrin. Si pasojë e konfliktit një shtetas i mitur 12 vjeç, ka dëmtuar me mjet prerës vëllain e tij me iniciale S. O., 17 vjeç, i cili u dërgua për ndihmë mjekësore, jashtë rrezikut për jetën. Grupi hetimor ka mbërritur në vendngjarje dhe vijon punën për sqarimin e rrethanave të ngjarjeve.”
