Një ngjarje e rëndë ka ndodhur ditën e sotme në qytetin zvicerian të Fribourgut, ku një 15-vjeçar nga Kosova ka humbur jetën pasi është përplasur për vdekje nga një treni. Mësohet se bëhet fjalë për të riun, Ardian Ramadani.
Mediat nga Kosova kanë bërë me dije se 15-vjeçari me origjinë nga fshati Panorc i Malishevës dhe që jetonte me familjen e tij në Zvicër, është goditur për vdekje nga një tren.
Sipas mediave kosovare, këtë lajm të kobshëm e ka konfirmuar zyrtarisht edhe nënkryetari i Komunës së Malishevës, Hajdin Berisha.
Mësohet se familja e 15-vjeçarit kishte emigruar në shtetin zviceran që nga paslufta e Kosovës. Pikërisht një aksident i tillë tragjik ndodhi edhe gjatë muajit tetor, ku dy vëllezër kosovarë që jetonin në Gjermani, ishin goditur për vdekje nga treni. Ata ishin nga komuna e Deçanit, fshati Ratishi i Epërm./GazetaReforma.com/
