Një ngjarje e rëndë ka ndodhur në fshatin Baks Rrjoll ne Velipojë gjatë pasdites së sotme ku një e mitur 12-vjeçare ka vrarë veten aksidentalisht me një armë gjahu.
Është bërë me dije paraprakisht se 12-vjeçarja ka qëlluar veten me çifte në mënyrë aksidentale.Edhe pse u dërgua në spital, fatkeqësisht e mitura nuk ka mundur që të mbijetojë. Policia ka njoftuar se ngjarja ka ndodhur në rreth orës 16:05, kur e mitura me iniciale E.Gj . është paraqitur në siptalin Rajonal të Shkodrës e plagosur me armë gjahu ku edhe ka ndërruar jetë. Në njoftim thuhet gjithshtu se ngjarja ka ndodhur në mënyrë aksidentale në banesën e vajzës së mitur. Aktualisht grupi hetimor po kryen veprimet e nevojshme për të zbardhur në mënyrë të plotë rrethanat e ngjarjes së rëndë.
Njoftimi i plotë i policisë së shtetit:
“Më datë 10.02.2021, ora 16:05, është paraqitur e plagosur me armë gjahu çifte shtetasia e mitur E. Gj. 12 vjeçe, banuese ne fshatin Baks Rrjoll Velipojë, Shkodër, e cila sapo ndërroi jetë në Spitalin Rajonal Shkodër. Nga hetimet paraprake mesohet se ngjarja ka ndodhur aksidentalisht në banesë. Nën drejtimin e Prokurorisë së Rrethit Gjyqësor Shkodër veprimet po kryhen me grup hetimor për sqarimin e rrethanave të kësaj ngjarje”, njofton policia.
