Një akt i padëgjuar ka ndodhur në Bon të Gjermanisë, pasi një 38-vjeçar ka lënë kokën e prerë të një personi para gjykatës së qarkut. Ky akt është lajmëruar nga disa kalimtarë të rastit, të cilët kanë njoftuar policinë. Policia ka shkuar menjëherë në vendngjarje dhe shprehet se nuk e kanë kuptuar fillimisht për çfarë bëhej fjalë, por “Ne zbuluam pak më vonë se ishte një kokë njeriu”, tha një zëdhënës i policisë.
Dyshohet se viktima është një 44-vjeçar, por identiteti nuk është ende i sigurt, pasi priten ende rezultatet e ekspertizës. Pak pasi u lajmërua për gjetjen e kokës policia ka gjetur një trup, por ka bërë edhe një lidhje midis ngjarjes në Bon dhe vrasjen e pazbardhur të të pastrehut Gerd Michael Straten, më parë në Koblenz.
Trupi i tij i prerë është zbuluar në varrezat kryesore në Koblenz në vitin 2018.
Ndërkohë, koka e prerë, e cila u vendos në hyrje të gjykatës së qarkut të do të ekzaminohet nga departamenti i mjekësisë ligjore. Një zëdhënës i policisë njoftoi se e njëjta gjë vlen edhe për pjesën tjetër të trupit, të cilën hetuesit e gjetën një kilometër larg të martën.
Zyrtarët tani duan të sqarojnë nëse i dyshuari 38-vjeçar, i arrestuar në Bon ka apo ka pasur lidhje me Koblenzin dhe nëse gjurmët e sigurua nga vendi i krimit në Koblenz përputhen me gjurmët e vendit të krimit nga rasti i Bonit.
I dyshuari 38-vjeçar, të cilin policia e arrestoi të martën në afërsi të gjykatës së rrethit, deri më tani ka heshtur për ngjarjen. Megjithatë, ai përshkroi saktë vendndodhjen e trupit pranë brigjeve të Rhein për hetuesit.
Sipas informacioneve, i dyshuari 38-vjeçar është i njohur për policinë para së gjithash për krime në lidhje me lëndët narkotike. Sipas hetimeve fillestare, autori dhe viktima mund të jenë përplasur në një qendër të pastrehësh dhe më pas ka ndodhur krimi.
