Një ngjarje e rëndë është regjistruar paraditen e sotme në fshatin Grecalli të Fierit. Një fëmijë në moshën 8-vjeç është rrëmbyer nga fqinji i tij i identifikuar si Klodian Çalamani.
Mësohet se ky i fundit e ka marrë fëmijën dhe e ka mbyllur në banesën e tij, ku dhe e ka groposur. Pas disa orësh fëmija është gjetur pa shenja jeta, nga autoritetet.
Por ky nuk është rasti i parë. Në vitin 2006, Klodian Çalamani së bashku me shokun e tij Florian Vasiu morën peng dhe torturuan për 20 minuta një fqinje në moshë të mitur.
hkak i kësaj ngjarjeje ka qenë ngacmimi i përsëritur i Florianit ndaj vajzës. Bezdisjet e herëpashershme që Floriani kishte kryer ndaj 16-vjeçares N.R., ishin vërë re rastësisht nga i dashuri i saj, E.N. nga Fieri, i cili e ka takuar Florianin dhe i ka thënë që të mos e shqetësonte më.
Në këtë kohë ka ndërhyrë Klodiani dhe i ka ndarë. Floriani dhe Klodiani, duket se kanë planifikuar ndëshkimin e fqinjës së tyre të mitur, duke e kërcënuar se do t’ia shëmtonin pjesë të ndryshme të trupit të saj, pikërisht gjoksin, duke ia prerë me biçak.
Dy të rinjtë, në lidhje me këtë rast u dënuan nga Gjykata e Fierit, me nga katër vjet burgim për veprën penale të heqjes së lirisë të kryer në bashkëpunim, bazuar në nenin 110/2 të Kodit Penal.
