Gjykata ka dhënë masën e arrestit për Edien Dinon një ndër të akuzuarit për vrasjen e Madrit Ulqinakut 2 ditë më parë në Elbasan. Gjykata e Elbasanit ka vendosur që për të pandehurin të jepet masa e sigurisë arrest me burg.
Prokurori Ritvan Suka kërkoi caktimin e të njejtës masë për të gjithë personat ku një konflikti të çastit mbeti i vdekur Madrit Ulqinaku. Ndërkohë gjykatësja Idush Maliqi la në fuqi masën “arrest në burg” për të riun e arrestuar dhe vendosi të njëjtën masë dhe për dy të tjerët që ndodhen ende në arrati.
Në deklaratën e tij mësohet se Dino pretendon se është futur për të shuar sherrin, por pas krimit ai u arratis, si dhe në momentin kur u vu në pranga nga policia, atij iu gjet ghatë kontrollit një mjet prerës (thikë) dhe një dorezë metalike.
Në seancë Dino ka dhënë të njëjtin version sikurse para policisë. Ai së bashku me dy bashkëmosharët e tij ka deklaruar se kishin konsumuar lëndë narkotike dhe kishin dalë në rrugë me armë të ftohta.
Dino kishte një thikë ndërsa autori Horgito Peqini një pistoletë.
Nën efektin e drogës janë përballur me viktimën Madrid Ulqinakun dhe shokun e këtij të fundit ku i kanë kërkuar llogari pse po i shihte.18 vjeçari Horgito Peqini ka nxjerrë pistoletën dhe qëlloi nga pas 33 vjeçarin duke i shkaktuar vdekjen e menjëhershme në bulevardin kryesor të Elbasanit pranë stadiumit.
