Detaje të reja vazhdojnë të zbardhen nga ngjarja e rëndë në Elbasan, ku mbeti i vrarë Pjerin Xhuvani, ish-kryetar i LSI, tashmë i angazhuar me PDIU. Mësohet se kanë mbetur të palagosur edhe dy persona të tjerë, një ndër to që ishte efektive e forcave “Shqiponja”. E plagosur mbeti Xhensila Shota e cila ndodhej në zonë në momentin që pati të shtëna me armë zjarri. Po ashtu ka mbetur i plagosur Kelmend Xhaferri.
Ngjarja ka ndodhur vetëm pak minuta më parë, në mes të qytetit të Elbasanit. Fillimisht, u raportua se kandidati i Partisë Demokratike, Gazmend Bardhi, ka ndaluar një automjet që shpërndante para për të blerë vota, ndërsa dëshmitarët kanë raportuar se kanë dëgjuar mbi 20-të shtëna.
Policia dhe grupi hetimor kanë mbërritur në vendin e ngjarjes, dhe kanë nisur nga puna për zbardhjen e plotë të ngjarjes. Emri i Xhuvanit u përmend më 14 mars, mes personave të akuzuar nga Partia Demokratike se ishte pjesë e grupit që po shoqëronte kryeministrin Edi Rama në Elbasan.
Pjerin Xhuvani është akuzuar nga Partia Demokratike si një nga personat që u përfshi në konfliktin mes militantëve të PD dhe PS në 14 mars në Elbasan. Pjerin Xhuvani ka qenë ish kryetar i Lëvizjes Socialiste për Integrim në qytetin e Elbasanit në kohën që Ilir Meta drejtonte këtë subjekt politik.
