Pak ditë më parë në burgun e Peqinit u plagos me armë zjarri Indrit Shaqja, i cili së fundmi është marrë nën hetim nga Prokuroria.
Prokuroria dyshon se i dënuari me burgim të përjeshtëm mund të jetë përfshirë në vrasjen e Arben Lleshit nga Sokol Mjacaj. Prokuroria e Elbasanit njofton se janë bërë kontrolle në qelinë e Indrit Shaqjas, ku u vra edhe Arben Lleshi.
Nga kqyrja e vendit të ngjarjes, është gjetur në një arkë druri një telefon celular, të cilin Shaqja e ka pranuar se është i tij. Kujtojmë se Sokol Mjacaj nga zona e ajrimit është afruar tek dritarja e qelisë së Indrit Shaqjas dhe i ka kërkuar këtij të fundit të thërrasë Arben Lleshin.
Kur i dënuari me burgim të përjetshëm, Sokol Mjacaj ka qëlluar me pistoletë në drejtim të Arben Lleshit duke e lënë të vdekur në vend, si edhe ka plagosur të dënuarin tjetër Indrit Shaqja, i cili ndante qelinë me Ilir Xhakjan.
Pas krimit, prokuroria sqaron se 28-vjeçari ka kërcënuar gardianët me armë dhe më pas është izoluar me pistoletën në dorë në ambjentet e takimeve me familjarët në këtë burg.
