Gjetja e trupit të murosur në një vilë luksoze në Komunën e Senagos në Milano, shkaktoi jo pak polemika, por tashmë kemi një emër dhe një mbiemër.
Rezultatet e autopsisë tashmë të bëra publike nga mjekësia ligjore italiane kanë konfirmuar identitetin e shqiptarit, i cili është Astirit Lamaj, 41 vjeç, banues në Genova.
Sipas autoriteteve Lamaj rezulton i zhdukur që prej janarit të vitit 2013 dhe është gjetur vetëm tani dhe sipas mjekëve ligjorë ai ka pasur një vdekje të dhunshme.
Sipas autoriteteve italiane tashmë ka nisur një proces hetimor për zbardhjen e kësaj ngjarjeje të tmerrshme, por ende nuk ka asnjë pistë konkrete ku të mbështeten.
Megjithatë sipas dosjes që autoritetet disponojnë, Lamaj ishte një person me precedent penal të lidhur me trafikun e drogës.
Prej hetimeve është vërtetuar se ai është parë për herë të fundit në territorin e provincës së Monzës. Trupi i murosur i Astrit Lamaj u gjet pak ditë më parë nga disa punëtorë gjatë punimeve që po kryheshin për restaurimin e vilës luksoze. Vila është restauruar për herë të fundit 5 vite më parë në kohën e zhdukjes së Astrit Lamaj që sivjet do të mbushte 47 vjeç.
