Ditën e djeshme një ngjarje e tmerrshme në përmasat e horrorit ka ndodhur në lagjen numër 15. në Korçë.
Një nënë me problem të shëndetit mendor pasi ka lindur, ka futur të porsalindurin në një valixhe, dhe më pas ai ka ndërruar jetë. Ndërkohë që ditën e sotme nëna 40-vjeçare nga Korça është transferuar drejt spitalit psikiatrik të Elbasanit. Mësohet se gjendja e saj është tejet e rënduar dhe jashtë realitetit, ndërsa tashmë do të jetë stafi mjekësorë që do të kujdeset për të.
Ngjarja tronditëse u zbulua një ditë më parë, kur bashkëshorti i saj denoncoi në polici se kishte gjetur valixhen me foshnjën e pajetë brenda.
Ai ka deklaruar se 6 muaj e fundit ndodhej në emigracion në Greqi dhe ishte thyer në banesën e tij para një muaji. Ai shprehet se dyshon se bashkëshortja e tij e ka abortuar foshnjën para një muaji dhe e ka fshehur më pas në shtëpi.
I pyetur nëse mendon se fëmija ishte i tij, ai thotë se nuk e di, por dyshon se nuk është. “Para një muaji erdha, dyshimi është që ka abortuar para një muaji, nuk e di nëse fëmija është i mi, besoj se jo. 6 muajt e fundit isha në Greqi. Ajo jetonte vetëm me çunin”, u shpreh ai.
Ndërkohë, në dëshminë e tij në polici ai ka deklaruar se prej kohësh ndiente një erë të rëndë në banesë, por nuk e kishte kuptuar se nga çfarë vinte dhe se vetëm ditën e djeshme ka gjetur foshnjën e futur në valixhe.
