Disa ditë më parë një tjetër ngjarje e rëndë u regjistrua në minierën e Bulqizës. Sipas ekspertizës mjeko-ligjore shkaqet e vdekjes së minatorit Muharrem Plaku, 61-vjeç ka qenë asfiksisë.
Trupi i pajetë i minatorit është dërguar për ekspertizë mjekoligjore pranë spitalit të Bulqizës dhe mjekët kanë konstatuar se vdekja e minatorit ka ardhur si pasojë e asfiksisë, pra të mungesës së oksigjenit në galeri.
Trupi i pajetë i 61-vjeçarit më pas u është dhënë familjarëve për të kryer ritet e fundit mortore.
Kujtojmë se ngjarja e rëndë ndodhi ditën e mërkurë, në datën 15 shtator, në galerinë e kompanisë së quajtur “Kaduretex Sh.p.k”, që operon në zonën e parë krom-mbajtëse të Bulqizës, ku 61-vjeçari mbeti i bllokuar në minierë pas shembjes së një masivi shkëmbor.
Trupi i pajetë i minatorit u gjend në një boshllëk katror i cili ishte i ndërtuar për rastet e rrezikut , por ka qenë e pamundur që ky vend të mbroj jetën e tij pasi masivet e gurit që janë shembur kanë qenë të mëdha dhe i kanë shkaktuar vdekjen e menjëhershme. Trupi i tij u gjet i pajetë nga kolegët e tij të cilët kanë kërkuar pa ndërprerë. Mësohet se policia e Bulqizës ka ndaluar inxhinierin e Galerisë dhe përgjegjësin e punimeve, ndërkohë vijojnë hetimet për të zbardhur shkakun e shembjes së galerisë.
