Një 37-vjeçar nga qyteti i Maliqit është arrestuar ditën e sotme nga policia, pasi akuzohet se ka ngacmuar seksualisht vajzën e tij 18 vjeçe.
Shtetasi R. M., ndodhet në komisariatin e Korçës dhe do përballet para drejtësisë për akuzën “Ngacmimi seksual” me vajzën e tij 18-vjeçare.
Detaje të reja mësohen lidhur me ngjarjen, ku një vajzë 18-vjeçare dyshohet se është ngacmuar seksualisht nga babai i saj.
Mësohet se ka qenë vajza që e ka denoncuar babain e saj në polici, pasi i ati e ka ngacmuar me fjalë banale.
18-vjeçarja jetonte me gjyshërit, pasi prindërit e saj janë në prag divorci.
Gjithashtu mësohet se vajza ka regjistruar edhe një bisedë më babain e saj, ku ky i fundit i ka kërkuar të kryejnë edhe marrëdhënie seksuale.
Materialet i kanë kaluar Gjykatës së Shkallës së Parë Korçë për veprime të mëtejshme.
Njoftimi i Policisë:
Specialistët për Hetimin e Krimeve në Komisariatin e Policisë Maliq, bënë arrestimin në flagrancë të shtetasit R. M., 37 vjeç, pasi dyshohet se ky shtetas ka konsumuar elementë të veprës penale “Ngacmimi seksual”, me vajzën e tij 18-vjeçare.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme”.
