Ndërkohë që ndodhe në një kohë kur varianti “Omicron” ka alrmuar botën, edhe Kosova nuk ka mbetur indiferente duke marrë masa drastike.
Duke filluar nga sot çdo qytetar që dëshiron të hyjë brenda territorit të Republikës së Kosovës është i detyruar të paraqesin certifikatën e vaksinimit me të dyja dozat e e vaksinimit anti-Covid.
Ndërkohë personat të cilët nuk i kanë dy dozat e vaksinës, do të kenë mundësi të vaksinohen në pikën kufitare aeroportin “Adem Jashari” dhe në pikat kufitare në Vermicë, Merdare, Dheu i Bardhë dhe Hani i Elezit. Sipas masave anti-COVID që janë në fuqi, lëvizja e qytetarëve lejohet nga ora 05:00 e mëngjesit, deri në orën 00:00 të mesnatës. Lokalet lejohen të punojnë deri në orën 23:00, ndërkaq muzika duhet të ndalet
Çfarë duhet të keni:
Çdo person i cili hyn në Republikën e Kosovës duhet të posedojë certifikatën e vaksinimit për vaksinimin e plotë (me dy doza) kundër COVID-19, apo certifikatën e vaksinimit për vaksinimin me një dozë, jo më e vjetër se katër (4) javë, bashkë me testin RT-PCR negativ për COVID-19, jo më i vjetër se 48 orë, ose certifikatën e vaksinimit për vaksinimin me një dozë bashkë me dëshminë se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë).
Qeveria e Kosovës më datë 1 dhjetor të vitit të kaluar miratoi masat anti-COVID, të cilat kanë hyrë në fuqi menjëherë, mirëpo, një pikë e këtij vendimi ishte lënë për datën 3 janar të vitit 2022.
