Numri i vatrave të Covid-19 në Tiranë është ulur ndjeshëm, nga 17 në 9 vartra aktive.
Sipas “Dosja.al”, 9 vatrat aktive janë kryesisht te Rr. Dibrës, rr. Ura, Tirana e Re, rr. Sami Frashëri, rr. Dalip Topi, Shkoze, rr. Kole Kamsi, Mozaiku i Tiranës, Qytet Studenti, Lunder, Teleferik, ish-teatri, Vasil Shanto, Kodra e Diellit 2.
Sipas disa burimeve nga ISHP, gjatë 24 orëve të fundit në Tiranë janë identifikuar gjatë 24 orëve të fundit 44 raste, nga të cilat 17 janë referuar nga Urgjenca Kombëtare, 1 nga mjeku i familjes dhe 26 të tjera janë kontakte të personave pozitivë.
Në total janë analizuar 122 monstra, ku 96 personave u është marrë tamponi, 26 kanë qenë në kontakt me virusin dhe 32 të tjerë janë ritestuar.
Gjithashtu, 26 punonjësve të Fondit të Sigurimit të Detyrueshëm të Kujdesit Shëndetësor u janë marrë monstrat, pasi kanë qenë në kontakt me një person të infektuar.
Ditën e djeshme në vendin tonë Ministria e Shëndetësisë raportoi për 42 raste të reja të infektuar me koronavirus.
Ky ka qenë numri më i lartë i të infektuarve brenda një dite në vendin tonë që nga fillimi i pandemisë.
Dje ndërroi jetë një tjetër paciente me koronavirus. 81-vjeçarja sipas ministrisë së Shëndetësisë, ndërroi jetë jo për shkak të infeksionit por nga sëmundjet shoqëruese.
Ish- ministri i Shëndetësisë Gjergj Koja u shpreh ditën e djeshme se shtimi i rasteve të infektuar me Covid-19 do të vazhdojë edhe për disa ditë të tjera.
