Kunati i Henri Çilit, i arrestuar gjatë operacionit “Mezhgorani”, Gazmir Ajdinaj, rezulton një person, i cili i mbaronte punë eksponentëve të ndryshëm të botës së krimit.
Në këmbim të parave ai u gjente tritol, organizonte rrahje me pagesë, bënte lirim të burgosurish, si dhe falsifikonte monedha.
Sipas dosjes hetimore të siguruar nga “Dosja.al”, është zbuluar se Ajdinaj ka komunikuar me Refat Stanin, i cili i kërkon të dhunojnë një person në Fier për 5000 euro.
Për këtë rast nuk është kryer asnjë veprim, pasi këta shtetas kanë dalë të njohur.
Më pas Ajdinaj ka komunikuar me dy persona nga Kamza, për t’i dërguar në Fier për të rrahur një person në këmbim të parave.
Ajdinaj kishte lidhje të forta edhe me Arbjon Alikon, tek i cili furnizohej me tritol, ndërsa nga Emir dhe Elisjon Breza në Fushë-Krujë, ai siguronte lëndën narkotike dhe çdo gjë që i nevojitej.
Gazmir Ajdinaj është personi që organizoi takimin mes Adil Alikos dhe Henri Çilit.
Ky i fundit në këmbim të 750 mijë eurove dhe 2 pronave me vlerë 250 mijë euro në Lezhë, do të ndikonte në lirimin e djemve të tij, Arbion dhe Albano Aliko.
