Ngjarjet e fundit të ndodhura dhe gjuha e ashpër e udhëheqësve politikë në vend, kanë bërë të reagojnë jo vetëm KQZ por edhe OSBE/ODIHR.
Duke nisur nga përplasja e Presidentit Ilir Meta për selinë e FRD-së, sherri masiv mes militantëve të PD-PS, e sëfundmi dhe agravimi i situatës në grushta mes biznesmenit lezhjan Gjegj Luca dhe deputetit demokrat Luçiano Boçi, tregohet qartë se situata parazgjedhore është mjaft e tensionuar.
Lidhur me këto ngjarje të fundit, delegacioni i Misionit të Vëzhgimit të OSBE/ODIHR-it për zgjedhjet 25 prillit ka reagur mbi situatën parazgjedhore.
Ditën e djeshme ata kanë organizuar një konferencë online nga ku përfaqësuesja e delegacionit Urszula Gacek u shpreh se OSBE pret të shohë zgjedhje me standarde.
Ajo theksoi se OSBE do të bëjë 3 raporte lidhur me të gjitha ngjarjet që do të ndodhin gjatë zgjedhjeve.
“Do të shkruajmë 3 raporte, një de e publikojmë dhe pasi të shkojmë në vendet tona. e rëndësishme ajo që do themi një ditë pas zgjedhjeve, do tregojmë me detaje se çfarë kemi parë gjatë zgjedhjeve, do të qëndrojmë deri në 17 maj që të mbikqyrim gjithçka se çfarë ndodh në këto zgjedhje”, tha ajo.
Gacek theksoi se për shkak të masave anti- Covid do të jetë një mënyrë e re votimi dhe kjo është një sfidë më vete për zgjedhësit.
Ajo vijoi më tej duke thënë se përfaqësuesit do të mbulojnë të gjitha zonat ku do të zhvillohen votime.
“Unë e thash që në fillim që të gjithë vëzhguesit që kanë shumë eksperiencë në raste të ndryshme do të jenë në terren dhe do të merren me të gjitha problematikat. Zonat e nxehta nuk i dimë ende, por do të jemi të vendosur kudo. Do të përpiqemi të mbulojmë zonat dhe të jemi në gjendje të shohim gjithçka, nuk do të jemi vetëm në Tiranë, por kudo që do të jetë e mundur, edhe unë dua të bëj disa hulumtime në kuadër të kësaj”, tha Gacek.
