Në burgun e Lezhës është gjetur një pëllumb ku në kurrizin e tij, midis flatrave kishte të lidhur një qese të zezë ku në brendësi të saj u gjet një telefon celular, dy skeda SIM dhe një karikues. Kanë qënë pikërisht familjarët e të burgosurve që kanë tentuar të fusin në burg, celularët përmes një pëllumbi.
“Në IEVP Lezhë, është gjetur një pëllumb ku në kurrizin e tij, midis flatrave kishte të lidhur një qese të zezë ku në brendësi të saj u gjet një telefon celular, dy skeda SIM dhe një karikues. Policia e Burgjeve dhe SHKBB, menjëherë kryen veprimet proceduriale për zbardhjen e ngjarjes.” -thuhet në njoftimin e Burgjeve.
Vitin e fundit si pasojë e shtimit të masave dhe rritjes së kontrolleve janë zbuluar dhe sekuestruar mjaft sende që familjarë dhe të afërm të të dënuarve tentonin që t’i fusnin brenda burgut me metoda nga më të ndryshmet, mes tyre duke përdorur pëllumbat që nga korrierë të lajmit, janë kthyer në korrierë të celularëve apo drogës.
