Qyteti i Shkodrës është tronditur mëngjesin e sotëm nga një vrasje me armë zjarri, ku ka mbetur i vdekur 55-vjeçari Nazmi Bandula. Atentati ndaj viktimës u bë në lagjen “rus” në një lokal afër banesës së tij, ndërkohë që ai po pinte kafen e mëngjesit.
Viktima nuk rezulton një emër i panjohur për policinë, pasi më 27 dhjetor të 2020, i kanë shpërthyer me tritol mjetin tip “Fuoristradë”.
Bandula deklaronte asokohe se nuk kishte konflikt me asnjë dhe nuk e dinte idenë se kush fshihej pas vendosjes së tritolit.
“Unë sapo isha futur në banesë dhe pak minuta më përpara kam qenë brenda oborrit. Jam ngjitur në shtëpi dhe më pas ka shpërthyer. Nuk e kam idenë se kush mund ta ketë vendosur. Fouristrada ime ka qenë e parkuar në oborrin e shtëpisë që në orët e paradites. Kam dalë në mëngjes, kam ngrënë diçka dhe më pas jam rikthyer në shtëpi dhe e kam lënë makinën aty brenda oborrit. Nga ai moment nuk e kam lëvizur më ndaj nuk e kam idenë se si mund të ketë ndodhur”, është shprehur asokohe ai.
Por vetëm 3 muaj më parë se ti vendosej tritoli, ai u arrestua në flagrancë pasi, pak paras mesnatës së shtatorit të vitit 2020 pasi ka kërcënuar me armë zjarri pistoletë, pas një konflikti për motive pronësie, vëllanë e tij shtetsin A. Bandulla. i cili banon në të njëjtën ndërtesë me autorin.
Bandulla kërcënoi me armë zjarri tip pistoletë, pas një konflikti për motive pronësie, vëllanë e tij.
