Zv.ministrja e Shëndetësisë, Mira Rakacolli ka reaguar për vonesën që Komiteti Teknik ka bërë lidhur rishikimin e masave anti-covid.
Lidhur me mbledhjen që pritet prej gati një jave, Rakacolli nuk dha një përgjigje konkrete. Sipas saj Komiteti Teknik po vepron brenda “ mundësive” të vendit.
“Rritja e rasteve lidhet me disa faktorë, si mos-respektimi i masave kufizuese gjatë festave, por edhe me dyshimin e fortë të shfaqjes së formave të reja të virusit në vendin tonë […] që kanë nivel më të lartë infektimi se varianti i parë,” – u shpreh Rakacolli një një intervistë për Euroneës.
Gjithashtu zv.minitrja e Shëndetësisë u ndal edhe tek kandidimi i Najada Çomos në listat e deputetëve të Partisë Socialiste. Sipas saj, është një vlerë e shtuar që një person i angazhuar në kohë pandemie të futet në politikë.
“Najada Çomo në listat e PS-së] është patjetër një vlerë e shtuar […] gjë që e ka treguar me vëmendjen dhe përkushtimin e saj gjatë pandemisë […] është një grua me integritet një grua që ka vite që punon në mjekësi dhe ka integritet të formuar prej vitesh,” – u shpreh Rakacolli.
Në intervistë Rakacolli foli edhe për pandeminë ku gjatë një viti ajo tha se “ka pasur gjëra pozitive në menaxhim” gjë që “ka bërë të ketë më shumë besim se do t’ia dalim”. Aktualisht dy muajt e fundit Shqipëria po vuan një rritje shqetësuese të rasteve të reja, por dhe të numrit të viktimave.
Ajo u pyet dhe për zgjedhjet e 25 Prillit dhe ndikim qo do të kenë në shtimin e rasteve. Rakacolli tha se situata nuk do të dali nga kontrolli në rast se do të respektohen masat.
