Kryeministri Edi Rama njoftoi ditën e sotme se nga java e ardhshme do të rinisën punën edhe taksitë.
Shefi i qeverisë theksoi se do të lejohet vetëm shërbimi taksi brenda qytetit dhe me vetëm një person brenda mjetit.
Më tej Rama shtoi, se taksistëve nuk do t’u pritet paga e luftës, pavarësisht se fillon puna.
“Nga java e ardhshme, do të rinisin punën edhe taksitë, me jo më shumë se një person në mjet, paralelisht me shoferin. Qoftë taksitë, qoftë një pjesë e bizneseve që janë hapur, apo që do të hapen javën e ardhshme, përmbajnë një numër jo të vogël punonjësish, të cilët kanë përfituar nga paga e luftës. Çfarë është dhënë, nuk do të merret. Edhe pse taksitë kanë marrë një pjesë, ajo nuk do iu merret mbrapsht, pavarësisht se fillon puna”, deklaroi kryeministri Rama.
Gjithashtu në portalin “e-albania” është publikuar edhe protokolli i masave higjieno-sanitare që duhet të zbatojnë taksistët, pasi në të kundërt do të ndëshkohen penalisht.
PROTOKOLLI_JESHIL_SHERBIMI_TAXI
Rama bëri me dije se qeveria do të formojë një Task-Forcë Anticovid, për monitorimin e zbatimit të protokolleve të sigurisë shëndetësore.
