Ditën e sotme u shkarkua nga detyra drejtori i Përgjithshëm i Policisë së Shtetit, Gledis Nano. Minsitri Çuçi e bëri të ditur lajmin, duke treguar se shkaku ka qenë pasi Nano nuk arriti dot të plotësonte objektivat. Ndërkohë aktualisht këtë post do ta mbajë nëndrejtori i Policisë, Tonin Vocaj.
Gledis Nano u emërua si drejtor i përgjithshëm i Policisë së Shtetit më 6 tetor 2021, pra nuk ka as edhe njëmbëdhjetë muaj në këtë pozicion. Ndërkohë gjatë ushtrimit të detyrës u përball me disa ngjarje kriminale në vend si vrasje, plagosje etj, që mesa duket u bënë “barrë” mbi të, duke e çuar drejt shkarkimit.
Vlen të theksohet se Nano mbante më parë postin e kreut të Antiterrorit. Gledis Nano, një nga zyrtarët me mbështetje të madhe ndërkombëtare veçanërisht nga Shtetet e Bashkuara të Amerikës, si kreu i Antiterrorit në Policinë e Shtetit ishte i përfshirë në çështjen e riatdhesimit të familjarëve të luftëtarëve shqiptarë të ISIS, të mbetur në Siri. Nano e nisi karrierën e tij në Policinë e Korçës, më pas ka drejtuar sektorin e Krimeve në Policinë e Vlorës, e më pas është emëruar në Tiranë. Në vitit 2013, ai u mor me hetimin e dosjes së “Imamëve”.
Gledis Nano mbante gradën “drejtues i parë” dhe pas emërimit në krye të Policisë së Shtetit mori gradën “drejtues madhor”.
Por përtej arsyetimit “nuk përmbushi objektivat”, llogjikisht ka vend për aludime, ku duket se midis tij dhe përfaqësuesve të qeverisë ka pasur mosmarrëveshje.
Rikthejmë në vëmendje çështjen e “Bana King”, ku Trifon Murataj u favorizua hapur nga Policia e Shtetit, ndërkohë që Gledis Nono ishte bërë palë me të.
