Prej përhapjes së pandemisë në të gjithë botën që nga viti i kaluar, nuk kanë ndaluar teoritë konspirative për origjinën e virusit dhe për kontrollin që po ushtrohet përmes tij. Teoria më e famshme ka qenë ajo se virusi nuk ekziston dhe se nëpërmjet vaksinave, një rreth vicioz që kontrollon botën do të na vendosë mikroçipa në tru.
Edhe në Shqipëri nuk kanë munguar konspiracionet rreth virusit dhe vaksinave, madje ka pasur edhe tubime të vogla që kanë kundërshtuar vaksinën, mbylljen dhe çdo të dhënë shkencore në lidhje me virusin. Ndër personazhet më të njohur që kanë mohuar ekzstencën e virusit kanë qenë dhe avokati Altin Goxhaj dhe konspiracionisti Alfred Cako.
Goxhaj u infektua në dhjetor të vitit të kaluar pasi më herët ishin infektuar prindërit e tij dhe avokati nuk kishte mbajtur distancën e nevojshme në spital.Babai i Goxhajt fatkeqësisht humbi jetën më vonë si pasojë e virusit. Gjatë gjithë kohës në media, Altin Goxhaj kishte deklaruar se pandemia ishte krijuar nga njerëzit më të pasur të botës, Soros, Bill Gates për të kontrolluar njerëzit. I vetmi që mishëronte të vërtetën për avokatin Goxhaj, ishte Donald Trump, i cili vazhdimisht deklaronte se virusi nuk ekzistonte.
Por infektimit me koronavirus nuk i ka shpëtuar as “bashkëkonspiracionisti” i tij, Alfred Cako. Ky i fundit është infektuar me koronavirus dhe ka munguar në studion e programit të përhershëm që bën në Top Channel gjatë të dielave. Lajmin e ka dhën gazetari Bledi Mane i cili shkruan:
“Alfred Cako, U INFEKTUA DHE KONSPIRACIONISTI? Nuk do paraqitet sot në studion e Top Channel në programin “Rrethi Katror” njeriu që nuk besonte e nuk mbrohej nga Covid-19. Do dëgjojmë si do shprehet e si do justifikohet njeriu që konsideronte veten si i paprekshëm nga virusi”.
Cako ende nuk ka reaguar, teksa mezi presim të shohim nëse pas infektimit ai do të besojë te virusi apo jo.
