Forcat izraelite po bëjnë një operacion për të rrethuar shtëpinë e Yahya Sinwar, liderit të Hamasit në Gazë, sipas njoftimit të kryeministrit izraelit Benjamin Netanyahu.
“Dje theksova se forcat tona kanë kapacitetin për të arritur në çdo pjesë të Rripit të Gazës. Sot ata janë angazhuar në një operacion përrethimit të shtëpisë së Sinwar,” deklaroi Netanyahu. “Edhe pse shtëpia e tij nuk mund të jetë vendi kryesor i tij dhe ai mund të shpëtojë, është vetëm një çështje kohe para se ta arrestojmë,” shtoi kryeministri izraelit.
Yahya Sinwar, i cili ka drejtuar Hamasin që nga viti 2017, u fut në radhët e militantëve fillimisht në vitet 1980. Ai besohet të jetë arkitekti i sulmeve të 7 tetorit dhe aktualisht është personi më i kërkuar nga autoritetet izraelite, sipas Netanyahut.
