Për shkak të zhvillimit të Ministerialit të Procesit të Bashkëpunimit në Evropën Juglindore, i cili do të mbahet më 16 qershor 2025 në Tiranë, Policia e Shtetit ka njoftuar masa të shtuara sigurie dhe kufizime të përkohshme në disa akse rrugore, për të garantuar mbarëvajtjen e vizitave zyrtare të delegacioneve të huaja të kryesuara nga Presidentët respektivë.
Rrugët ku do të kufizohet qarkullimi në ardhje të delegacioneve:
• Aeroporti i Rinasit
• Mbikalimi i Kasharit
• Autostrada Durrës–Tiranë
• Unaza e Re
• Rrethrrotullimi i Saukut
• Rruga e Elbasanit
• Rruga “George W. Bush”
• Rruga “Urani Pano”
• Rruga “Dervish Hima”
Rrugët që do të preken në largim të delegacioneve:
• Rruga “George W. Bush”
• Rruga e Elbasanit
• Rrethrrotullimi i Saukut
• Unaza e Re
• Sheshi “Shqiponja”
• Autostrada Tiranë–Durrës
• Mbikalimi i Kasharit
• Aeroporti i Rinasit
Po ashtu, më datë 16 qershor, gjatë zhvillimit të aktivitetit, në rrugët “Ludovik Shllaku” dhe “Rruga e Dibrës” do të ndalohet përkohësisht:
• Qarkullimi i automjeteve
• Parkimi i tyre
• Lëvizja e këmbësorëve
Policia saktëson se oraret e kufizimeve do të përcaktohen në përputhje me mbërritjen dhe lëvizjen e delegacioneve në aeroport dhe në qytet.
