Teksa zv.kryeministri Arben Ahmetaj është shprehur që Rama të mos bëjë rolin e gjykatësit, ky i fundit ka reaguar për herë të parë në lidhje me këtë deklaratë. Kryeministri Rama shprehet se nëse do kishte bërë rolin e gjykatësit gjërat tashmë do të ishin shumë keq për ata që duan që ai të bëjë gjykatësin.
Në intervistën për mediat që dha më 23 shkurt, Ahmetaj duke komentuar deklaratën e Ramës për të, se nëse “akuzat janë të vërteta më vjen shumë keq, por nuk e ndihmoj dot”, Ahmetaj tha se kryeministri bëri rolin e gjykatësit. Ai u shpreh se “nuk ka nevojë për ndihmë”, teksa Ramës i sugjeroi të bëjë detyrën e Kryeministrit.
Por çfarë ka deklaruar Arben Ahmetaj disa javë më parë?
“Ramës nuk i kam kërkuar ndonjëherë ndihmë. Ai duhet të bëjë kryeministrin dhe jo gjykatësin. Mua më kujtohen shesh këta kolegë. Me Tahirin nuk kam shkuar fare. Megjithatë më vjen keq kur e shoh në atë situatë. Rama bëri rolin e gjykatësit. Ai ka të drejtë kur thotë secili t’i dalë vetes zot, por të mos bëjë gjykatësin. E para dhe mbi të gjitha, dua të bëj një sqarim. Unë kam 33 vjet që punoj dhe perceptimi është krijuar, ia kanë dalë, kanë ngritur një perceptim negativ kundër meje. Është një miks. Kjo është një infrastrukturë mafioze ndaj meje.Unë sot kam shumë të qartë këmbët dhe duart e përpjekjes, trupin dhe kokën do e kem shumë shpejt” – ishte deklarata e Arben Ahmetajt disa javë më parë.
