Nënvarianti i Omicron, i cili besohet se është më ngjitës sipas disa studimeve tashmë është përhapur në 57 vende, sipas një njoftimi të Organizatës Botërore të Shëndetsisë.
Po përveç faktiti që është shumë ngjitës, nënvarianti Omicron pritet të bëhet dominues në të gjithë botën.
Këtë e paralajmëron vetë Organizata Botërore e Shëndetësisë duke shprehur gjithashtu se “Omicron 2” ka disa mutacione që e bëjnë më të lehtë për tu përhapur se lloji origjinal.
Theksojmë se Dr. Nijan, drejtor Rajonal i OBSH-së për Europën, u shpreh në një intervistë se Omicron 2 pritet të dominojë globin. Gjithashtu më tej ai shtoi se megjithatë, se nuk ka rrezik të ri-infektimit për ata që tashmë janë infektuar me variantin origjinal Omicron, pasi dy variantet e koronavirusit nuk janë shumë të ndryshëm nga njëri-tjetri, megjithëse nevojiten më shumë të dhëna.
Sipas një raporti të Financial Times, varianti më i ri që tani është përhapur në vende si Danimarka, Britania, India dhe Afrika e Jugut ka 27 mutacione që nuk ekzistojnë në llojin original të Omicron. BA2, ose Omicron 2, konsiderohet 30% -34% më ngjitës dhe Organizata Botërore e Shëndetësisë po heton variantin e ri, duke e cilësuar variant shqetësues si Alpha, Beta, Gamma, Delta dhe Omicron.
Kujtojmë se sipas një eksperti izraelit, ndryshimi kryesor midis Omicron dhe Omicron 2 është transmetueshmëria e tyre: “Ai transmetohet më shpejt,” tha Dr. Nijan për nënvariantin e Omicron.
