Një 37-vjeçare shqiptare u gjet e pajetë ditën e djeshme në një park në Francë.
Sipas mediave franceze, viktima ishte një punonjëse seksi.
Trupi i saj ishte pjesërisht i djegur dhe i zhveshur.
Mësohet se viktima është Brunilda Kovaçi nga Berati.
Tatuazhi me emrin e një mashkulli shqiptar në krahun e djathtë, bëri të mundur identifikimin e saj.
Mediat franceze shkruajnë, se një person është arrestuar në lidhje me këtë ngjarje, por nuk dihet nëse është një nga klientët e shqiptares, apo tutori i saj,
Familjarët e viktimës kanë kontaktuar me “Balkanweb” dhe kërkojnë ndihmë pasi në Francë ndodhet edhe djali i saj i mitur 3 vjeç.
Ata bëjnë me dije se lajmin e hidhur e morën vesh nga media.
“Lajmin e hidhur e morëm vesh nga mediat. Nuk dinim gjë. Jemi të shokuar. Tani kemi hallin e djalit që ka ngelur në Francë. Na ka rënë një hall i madh, aq më tepër kur nuk kemi mundësi financiare. Jemi keq ekonomikisht, nuk e sjellim dot trupin e vajzës në Shqipëri. I bëjmë thirrje shtetit që të na ndihmojë të na sjellë trupin e Brunildës, por dhe djalin e vogël.”, thanë familjarët.
