Një e moshuar nga Durrësi është viktima e parë nga koronavirusi në vendin tonë.
Ka dyshime se ajo qëndroi në dhomën e spitalit me dy gra të tjera, të cilët po ashtu mund të jenë infektuar.
Zv.ministrja e Shëndetësisë, Mira Rakacolli tha se e moshuara ka qenë vetëm në dhomë.
Mirëpo ky version është hedhur poshtë nga Shkëlqim Buziu, djali i cili shprehet se nëna e tij ka qenë në dhomë me viktimën për 4 ditë.
Në një rrëfim për “Report Tv”, ai tha se analizat i janë marrë vetëm nënës së tij.
Më tej Buziu shton, se gjatë kësaj kohe ai ka shkuar në punë, ndërsa ka nisur të dezinfektojë oborrin me açe.
“Ishin tre pacientë në dhomë. Mamaja ka kollë të vazhdueshme. Simptoma të tjera nuk ka. As ne nuk kemi. I kemi prekur të dy, edhe atë gruan. Jam izoluar. Vetëm nënës i kanë marrë analizat, mua jo edhe pse i kërkuam. Nuk e çan njeri kokën që të interesohet. Unë edhe kam lëvizur, kam shkuar në punë, kam ardhur në shtëpi. Jemi njerëz të gjallë. Tani presim analizat e mamit. Unë mesa kam mundësi po rri steril fare, po laj edhe oborrin me açe, çfarë të bëj më shumë? Kemi ndenjur 4 ditë aty. Ajo e mohoi edhe e fshehu. Zv.ministrja thotë se ka qënë dhoma vetëm, nuk i vjen turp asaj që thotë ashtu. Të më dali para ajo se ia tregoj unë. Nëna imë është 84 vjeç. Viktima rrinte vetëm me oksigjen, sa ia hiqnin i binte të fikët. E pashë që ishte keq dhe e nxorra nga spitali”, u shpreh Buzi.
Zv. Ministrja e Shëndetësisë deklaroi pa më parë, se ka nisur gjurmimi i të gjithë personave që mund të kenë pasur kontakt me 73-vjeçaren.
