Stina e verës, ditët e fundit të korrikut dhe fillimi i gushtit erdhën me vatra zjarresh në shumë pjesë të vendit në pyje, sipërfaqe me shkurre, kullota.
Temperatura e lartë, era janë disa faktorë që favorizojnë zjarrin, ndërkohë që territoret e vështira dhe të pamundura për kalimin e mjeteve për shuarjen e flakëve e bëjnë më të vështirë situatën, por nuk ka munguar neglizhenca, pakujdesia e banorëve të zonës dhe në shumë raste ka qene zjarrvënie e qëllimshme.
Zjarri në pyllin e Semanit në Fier, Lezhë, Miriditë, Kukës dhe Rubik nuk kanë të ndalur prej ditësh, ndërkohë që era e ka ‘favorizuar’ edhe më tepër përhapjen e tyre. Ndërkohë që në disa zona janë riaktivizuar përsëri disa zona zjarri që më parë ishin ndalur.
Zjarrfikëset në bashkëpunim me ushtrinë edhe nuk ka neutralizuar ende flakët. Edhe pse është kërkuar ndërhyrje nga ajri për shkak të terrenit të vështirë, ende nuk ka asnjë helikopter për ndihmë nga ajri, ndërsa zjarrfikësit punojnë në terren me efektivë të Forcave të Armatosura.
Nga muaji Janar deri në Korrik janë evidentuar 329 vatra zjarri, ku vetëm për muajin korrik janë evidentuar 168 vatra zjarri, dhe 20 hektarë janë përpirë nga flakët.
