Luftimet midis Rusisë dhe Ukrainës kanë hyrë në dytën e tyre të tetë. Tashmë një qytet ka rënë në “kthetrat” e rusëve, komplet i shkatërruar dhe me pamje të trishta.
Trupat ruse kanë pushtuar qytetin Kherson, në jug të Ukrainës.
Ndërkohë kryebashkiaku Kherson është shprehur se qyteti ka rënë, duke theksuar se forcat ukrainase ishin larguar, pas luftimeve të ashpra me forcat ruse, që kanë arritur të rrethojnë qytetin me rëndësi strategjike në veri të Krimesë.
Mediat botërore kanë publikuar pamje nga qyteti Kherson, i cili siç shihet, është shkatërruar totalisht dhe tashmë në rrugët e tij janë mjetet e blinduara ruse.
Theksojmë se ky qytet ka 290,000 banorë dhe vitin e kaluar mbajti stërvitje luftarake të mbështetura nga NATO.
Pushtimi erdhi pas një rrethimi treditor që e la këtë qytet pa ushqim dhe ilaçe dhe duke u përpjekur për të mbledhur dhe varrosur të vdekurit.
Kujtojmë që sot në Bjellorusi mbahet raundi i dytë i bisedimeve ndërmjet Ukrainës dhe Moskës për të arritur një armëpushim. Pas takimit të parë që u zhvillua të hënën në kufirin midis Ukrainës dhe Bjellorusisë, ky duhet të zhvillohet në zonën perëndimore të pyllit Bialowieza.“Megjithatë, ende nuk është konfirmuar zyrtarisht”, nënvizon agjencia ruse e lajmeve.
