Kryebashkiaku i Fierit, Armando Subashi, vazhdon t’i jap tenderë miliona Euro Renato Salit, të njohur si Renato Çami, eksponent i botës së krimit dhe kreu i një bande, me shumë dosje penale për vrasje, financim vrasjesh, peng-marrje, gjobë vënie, grabitje me dhunë, trafikim droge, femrash e armësh dhe pastrim parash, i cili prej 1 viti është marrë i pandehur nga SPAK.
Por krye bashkiaku Armando Subashi, nuk po pyet as për vendimin e Altin Dumanit, duke i dhënë para 4 ditësh firmës “AGA-1 Sh.p.k” të Renato Çamit, një tender tjetër me vlerë 1.1 milionë Euro me TVSH, për furnizimin me karburant të Bashkisë së Fierit gjatë vitit 2024.
Edhe ky tender, “të fortit” Renato Çami, i është dhënë duke qenë vetëm ai pjesëmarrës në tender dhe ofertë sa 99.99% të fondit limit; siç i njëjti tender në vitet 2021-2023, i është në vlera 900 mijë Euro, 1 milionë Euro e 1.5 milionë Euro.
Në afro 9 vitet si Kryetar Bashkie i Fierit, Armando Subashi, i ka dhënë Renato Çamit afro 20 milionë Euro tenderë, 11 leje ndërtimi dhe i ka dhuruar e shitur për “5 lekë” disa troje, toka, plazhe në Seman e zona të pyllëzuara.
Më 28 shtator 2023, drejtuesi i SPAK, Altin Dumani, tha se mbështetur në dëshmitë e të penduarit Nuredin Dumani; ka nisur Çështja Penale Nr.75/2 për “të fortin” e Fierit, Renato Çami, me prova për disa krime e sidomos si financues i 1.2 milionë Euro, për vrasjen e trafikantit Ben Qimja dhe kundërshtarit Endrit Dokle.
Mirëpo, krye bashkiaku Armando Subashi, vazhdon i jep miliona Euro tenderë Renato Çamit, duke shpërfillur vendimin e drejtuesit të SPAK, Altin Dumani, Ligjin Anti-mafia dhe Marrëveshjen Shqipëri-SHBA, që detyron institucionet e entet shtetërore, të mos u japin fonde e pasuri publike individëve dhe grupeve botës së krimit.
Pasi ish-drejtuesi i SPAK, Arben Kraja, e hoqi krye bashkiakun Armando Subashi nga dosja e Landfillit të Fierit dhe e shpëtoi nga burgu; siç duket, përveçse Subashi merr pjesën nga këta tenderë, paska marrë garanci paprekshmërie dhe nga drejtësia e re, aq sa nuk pyet as për drejtuesin aktual të SPAK, Altin Dumani./Pamfleti
