Kryeministri i vendit, Edi Rama gjatë takimit të sotëm me negociatorët e Bashkimit Europian në administratë ka folur për procesin e integrimit të Shqipërisë në BE.
Rama nuk la pa përmendur dhe çështjen “Beleri” me Greqinë, duke komentuar se çështja për fqinjët ka rëndësinë e madhe për ta, por nuk është arsyeja kryesore.
Kryeministri tha se vendi ynë nuk do bëjë negociata dhe as lëshim kur vjen puna tek sistemi i drejtësisë.
“Ju e dini që nuk janë vetëm këto arsyet e mosanëtarësimit, por që cilado qoftë arsyeja duhet të dini se ne nuk bëjmë asnjë negociatë dhe lëshime për çështjet që kanë të bëjnë me drejtësinë. Unë jam i bindur se ne me fqinjët tanë do të vendosim një arsye madhore mbi këtë çështje, por që ne nuk ia heqim rëndësinë për ta”, tha ndër të tjera Rama.
