Ministri gjerman për Evropën,, Michael Roth do të zhvilloj një vizitë dy ditore, sot dhe nesër në vendin tonë.
Ditën e sotme Roth do të takojë ministren e Jashtme Olta Xhaçka dhe kryeministrin Edi Rama, me të cilët do të zhvillojnë edhe një konferencë për shtyp të përbashkët.
Mësohet se ditën e nesërme ai do të takojë edhe kreun e Partisë Demokratike, Lulzim Basha. Roth ishte dje në një vizitë në Shkup ku konfirmoi se Shqipëria dhe Maqedonia e Veriut i kanë plotësuar të gjitha kushtet dhe është detyrë e BE të mbajë fjalën dhe çelë negociatat.
Në orën 18.20, në Kryeministri, do të jetë konferenca e përbashkët për mediat e Kryeministrit Edi Rama me ministrin gjerman për Europën Michael Roth.
Përmes një postimi në rrjetin e tij social Tëitter, Roth dje shkruajti se është koha që Bashkimi Evropian të mbajë premtimin për të nisur bisedimet për anëtarësimin e Maqedonisë së Veriut dhe Shqipërisë.
Ai u shpreh se e ardhmja e Ballkanit Perëndimor është evropiane dhe se duhet të veprohet tani me vendosmëri, në mënyrë që të mos ketë dyshime më vonë.
Kjo është vizita e parë një zyrtari të lartë në Shqipëri pas zgjedhjeve parlamentare të 25 prillit. Ministri gjerman do të takohet edhe me kreun e PD-së, Lulzim Basha. Opozita ka kontestuar rezultatin e zgjedhjeve, duke i cilësuara si të manipuluara dhe ku pati shitblerje masive të votave.
