Në zgjedhjet e fundit për Parlamentin Europian, Fredi Beleri, u shpall si një nga eurodeputetët e zgjedhur nga Partia Demokracia e Re në Greqi. Beleri, i cili gjithashtu është zgjedhur kryetar i Bashkisë së Himarës, ndodhet në burg, nën akuzat e korrupsionit zgjedhor dhe blerje votash.
Pavarësisht sfidave ligjore, Beleri siguroi një vend të trete në listën e Demokracisë së Re në zgjedhjet europarlamentare, duke u renditur ndër shtatë kandidatët fitues të partisë. Në një deklaratë nga burgu, ai shprehu se zgjedhja e tij është “një fitore e dritës mbi errësirën” dhe vlerësoi rëndësinë e demokracisë dhe vullnetit të popullit grek për të luftuar praktikat anti-demokratike.
Beleri theksoi ndikimin e kësaj fitoreje në forcimin e zërit të minoritetit grek dhe premtoi të punojë për të përfaqësuar vlerat e Demokracisë së Re dhe interesat e Greqisë në Parlamentin Europian. Ai falënderoi kryeministrin Qiriakos Mitsotakis për mbështetjen dhe mundësinë për të qenë pjesë e listës zgjedhore.
Ky rast hedh dritë mbi sfidat dhe kompleksitetin e politikës europiane, ku figura të tilla si Beleri mund të përfaqësojnë jo vetëm suksesin politik, por edhe dilemat e mëdha etike dhe ligjore që shpesh shoqërojnë karrierat në politikën e lartë.
Kujtojmë se Greqia dhe kryeministri Mitsotakis e ka përdorur çështjen e Belerit për të bërë presion ndaj Shqipërisë për integrimin europian dhe futja e Belerit në lista ishte pjesë e këtij skenari.
