Spitalet COVID në vend duket se po shkojnë drejt ezaurimit të pltë. Një lajm të tillë e ka konfirmuar edhe gazetari Erion Skëndaj për Neës 24, i cili ka thënë se janë të zënë mbi 500 shtretër. Skëndaj ka thënë se nëpër dhoma janë shumë pacientë, gjë që e rrit edhe më shumë rrezikun. Ndërkohë, sanatoriumi që është vetëm spital rikuperimi i ka të zëna thuajse të gjitha vendet.
“Situata sa vjen dhe rëndohet në spitalet Cocvid 1,2 dhe 3. Aktualisht në Sonatarium nuk ka thuajse vende të lira. Urgjenca është plot. Spitali i ka të rezaurura vendet me pacient, kuptohet që mund të ketë vende, nëse lirohen shtretër. Mbi 220 të shtruar janë aktualisht tek Shefqet Ndroqi. Më pak e rënduar është gjendja tek spitali Covid-19, që është spital rikuperimi dhe jo trajtimi. Janë mbi 500 shtretër të zënë në katër spitalet Covid. Sa më shumë pacientë që ka në një dhomë, më i madh është rreziku”, ka thënë Skëndaj.
Ndërkohë gazetari është shprehur se nëpër spitalet rajonale trajtohen deri në 15 raste, por ministria nuk jep asnjë shifër për këtë.
“Në spitalet rajonale, trajtohen deri 15 raste. Ministria nuk jep shifër për spitalet rajonale dhe as për gjendjen në spitale private dhe sa persona trajtohen në gjendje të rënduar në shtëpi”, u shpreh Skëndaj.
Pak më parë edhe Gazeta Reforma e bëri një konstatim të tillë, nisur nga njoftimi i Ministrisë së Shëndetësisë që lajmëronte se janë zënë 492 shtretër nga 500. Por me sa duket situata është më e rënduar nga ajo që bëhet publike.
