Kapja e anijes me naftë kontrabandë, që vinte nga Libia tregoi dhe njëherë skandalin që ndodh me hidrokarburet në vendin tonë. Në një situatë ku çmimi i naftës në vend është në nivele shumë të larta dhe bordet që u shitën si suksese të mëdha nga qeveria dhe na doli që nuk paskan qenë të tilla të vetmit që e pësojnë janë qytetarët.
Gazeta Reforma i ka denoncuar shpesherë skandalet në lidhje me abuzimet e bordit të Transparencës, por dhe të oligarkëve të naftës, të cilët vetëm sa janë pasuruar në këtë periudhë, e ndërsa qytetarët sa vijnë e varfërohen. Karburanti ndikon në çdo sektor, sepse shumë aktivitet kryhen përmes tij,si psh transporti, që rrjedhimisht më pas ka çuar në rritjen e çmimit të çdo produkti apo shërbimi.
Në ndryshim nga çdo vend që ka subvencionuar fermerët, ka mbështetur qytetarët me ndihma, ne kemi borde që çojnë para në xhepat e pushtetarëve dhe oligarkëve.
Gazetari Ermal Mulosmani ka komentuar në lidhje me naftën kontrabandë që u kap dy ditë më parë në Portin e Durrësit, për të cilën deklaron se po spekulohet shumë emri I Kastratit. Duke ironizuar gazetari shkruan se në rrjetën e drejtësisë në Shqipëri fatkeqsisht bien “peshqit e vegjël”, jo “balenat” që qëndrojnë pas këtij fenomeni.
Ky skandal sipas tij shpjegon dhe pse Shqipëria në statistika rezulton me import më të vogël të karburantit se Kosova që ka gjysmën e makinave të Shqipërisë.
“Po spekulojnë në emër të Kastratit, shumë.
Ja psh, thonë paska ardhë një anije nga Libia me dymijë e dyqint e ca tonë naftë për llogari të Kastratit. Kështu thotë Prokuroria e Durrësit por unë nuk e besoj. Nuk është Çeti nga ata burra, nuk merr naftë nga Libia që ka embargo. Joooo, nuk ka mundësi. Mediat e kanë denoncuar këtë skandalin, çdo ditë nga një shkrim, secili portal. Apo asnjë për be?!!! Asnjë fareeee, përveç këtyre të INA-s?
Edhe MCN-ja e Klod Tomori si zakonisht që na tregojnë ndonë gjë të vogël….
2272 tonë ngarkesë, rreth 2-3 milionë Euro…
Prandaj ne dalim me konsum vjetor nafte më të vogël se Kosova. Se helbete, një çikëz nuk e deklarojmë, e sjellim nga Libia, dhe e çojmë pa taksa direkt në konsum. Kush e pësoi do thoni ju? Po askush mo askush. Një tip që e priste mallin, i quajtur Erlis Kosova. Si puna e atij sportelistit të Bashkimit. Edhe ai me siguri i mbyllet çështja pas disa kohësh sa të rregullohet me Prokurorin”, shkruan Mulosmani.
