Koronavirusi në vendin tonë vijon të përhapet me shpejtësi dhe duke prekur të gjitha grupmoshat.
Dhe mes të infektuarve janë edhe mjekët e infermierët të cilët janë çdo dië në vijën e parë të përballjes me të infektuarit në spitale. Deri më tani shumë mjekë janë infektuar dhe mes tyre dhe të tjerë që nuk kanë mundur t’i bëjnë ballë këtij virusi i cili vazhdon të përhapet dhe të marrë jetë.
Ditën e sotme në spitalin e Bulqizës dyshohet se dy mjekë të jenë infektuar me Covid-19. Për momentin ata janë të vetëkarantinuar në banesat e tyre, ndërsa presin përgjigjen e analizës. Mjeku Pneumolog pranë këtij spitali, Fatos Hoxha ju bën apel qytetarëve që të respektojnë masat mbrojtëse, pasi në këtë mënyrë mbrojnë veten dhe stafin shëndetësor.
Ndërkohë kujtojmë se edhe para pak ditësh në spitalin “Xhavit Mara” të qytetit të Burrelit, pati të infektuar nga personeli mjekësor, duke lënë disa reparte pa shërbim.
