Policia e Korçës ka arrestuar katër persona, të cilët akuzohen për vepra të ndryshme penale.
Ata janë të moshës 32, 33, 39 dhe 59 vjeç dhe akuzohen përkatësisht për dhunë fizike ndaj babait, vendoje të basteve online, aksidentim të një këmbësoreje dhe drejtim të automjetit në gjendje të dehur.
Konkretisht, në pranga janë vënë:
-Shtetasi me iniciale E. Z., 32 vjeç, i cili dyshohet se ka ushtruar dhunë fizike dhe psikologjike ndaj babait të tij shtetasit B. Z., 63 vjeç.
-ShtetasiF. A., 33 vjeç, pasi gjatë kontrollit të ushtruar në lokalin e tij në fshatin Pocestë, iu gjet një telefon, të cilin dyshohet se e përdorte për vendosjen e basteve sportive.
-Shtetasi I. H., 39 vjeç, ka aksidentuar këmbësoren shtetasen R. Xh., 39 vjeçe.
-Shtetasin Y. P., 59 vjeç, i cili është kapur duke drejtuar në gjendje të dehur, mjetin tip ‘Fiat’, pa targa.
Materialet në ngarkim të tyre i kaluan Prokurorisë të Rrethit Gjyqësor Korçë për veprat penale ‘Dhuna në familje’, ‘Organizimi i lotarive të palejuara’, ‘Shkelja e rregullave të qarkullimit rrugor’ dhe ‘Drejtimi i automjeteve në mënyrë të parregullt”.
