Protestat e vazhdueshme në Bjellorusi kundër fitores së Lukashenkos duket se kanë ngjallur shumë debate e kritika. Ditën e sotme kryeministri Edi Rama nën cilësinë e kreut të OSBE-së iu është përgjigjur këtyre kritikave.
Me anë të një posti në Twitter Rama zbulon arsyen pse nuk ka shkuar në Minsk deri më tani. Rama shkruan se OSBE nuk shkon në Minsk për selfie në protestë, po për të komunikuar me qeverinë dhe opozitën, çka kërkon aprovimin e të dyja palëve.
Më tej kryeministri Rama shton se edhe pse nuk janë bërë publike komunikimet shpeshta në lidhje me këtë temë, Shqipëria dhe Suedia po bëjnë më të mirën e mundshme
Reagimi i Ramës:
Disa shqipe të politikës së madhe që fluturojnë lart, po vrerosen pse nuk kam shkuar në Minsk dhe ia paskam humbur një shans Shqipërisë! Në Minsk OSBE nuk shkon për selfie në protestë, po për të komunikuar me qeverinë dhe opozitën, çka kërkon aprovimin e të dyja palëve.
Unë jam krenar për faktin se megjithë kohën e mallkuar të pandemisë, lidershipi ynë i OSBE ka kryer me sukses punën e premtuar dhe ka fituar respekt e besim ndërkombëtarisht, çka e tregon qartë edhe referimi i BE-së ndaj ofertës së OSBE për Minskun.
Nuk i kemi bërë publike komunikimet e shpeshta të këtyre ditëve me aktorë të niveleve të larta në BE e jo vetëm, sepse kjo është natyra e punës në këtë fazë, por dua t’i siguroj të gjithë të interesuarit për këtë temë se Shqipëria po bën vërtetë më të mirën, bashkë me Suedinë.
Disa shqipe të politikës së madhe që fluturojnë lart, po vrerosen pse nuk kam shkuar në Minsk dhe ia paskam humbur një shans Shqipërisë! Në Minsk OSBE nuk shkon për selfie në protestë, po për të komunikuar me qeverinë dhe opozitën, çka kërkon aprovimin e të dyja palëve.
— Edi Rama (@ediramaal) August 20, 2020
Kujtojmë se prej disa ditësh mijëra bjellorusë kanë vërshuar rrugëve kundër Presidentit Aleksandër Lukashenko duke krijuar dhe protestën më të madhe që prej vitit ’91, kur Bjellorusia fitoi pavarësinë nga Bashkimi Sovjetik.
