Ditën e djeshme Ilir Meta i la presdencën Bajram Begajt, ndërkohë sot ka pasur reagimin e parë pas “zhveshjes” nga posti si kreu i shtetit.
Me një sërë deklaratash të forta politike dhe thirrjeve për referendum dhe transformim të sistemit politik, Meta i hapi rrugën rikthimit të tij në opozitë me qeverinë e Edi Ramës, pavarësisht se hodhi poshtë zërat që e shohin atë si kryetar të LSI.
“Nuk jam këtu për të marrë drejtimin e LSI sepse unë këtë drejtim e lashë me vullnet të lirë e ndërgjegje të lirë para 5 vitesh, në funksion të një ngrëçi artificial politik që u krijua. Unë jam këtu për të sjell mesazhin e popullit të 2 marsit, pjesë e të cilit ka qenë edhe LSI dhe për t’u bashkuar të gjithë në triumfin e mesazhit të 2 marsit dhe triumfi është sovraniteti në Republikën e Shqipërisë i përket popullit dhe ka ardhur momenti që ai ta ushtrojë dhe kjo do bëhet e mundur pa diskutim. Zvicra nuk ka asgjë më shumë se Shqipëria. Që Shqipëria të bëhet si Zvicra duhet të ketë atë që bën Zvicra, referendumin. Partia e referendumit është partia e re. Kjo zgjidh çdo problem në Shqipëri”, deklaroi Meta për mediat.
