Ditën e sotme është bërë i mundur arrestimi i 29 vjeçarit shqiptar i cili ishte i shpallur në kërkim ndërkombëtar për veprën penale “Trafikimi i narkotikëve”.
29 vjeçari me iniciale GJ.L, me banim në qytetin e Tiranës ra në pranga si rezultat i shkëmbimit të vazhdueshëm të informacionit me Interpol Tirana që bëri të mundur lokalizimin, kapjen dhe arrestimin me qëllim ekstradimin drejt Italisë.
Interpol Tirana, në bashkëpunim me Interpol Romën, vijon procedurat për ekstradimin e këtij 29 vjeçarit shqiptar drejt shtetit të Italisë.
Theksojmë se arrestimi i të riut u bë pasi Gjykata e Bergamos, Itali, ka lëshuar urdhër-arrestin ndërkombëtar për veprën penale “Trafikim i narkotikëve
Njoftimi i Policisë së Shtetit
Një tjetër person në kërkim ndërkombëtar bie në prangat e Policisë.
Arrestohet me qëllim ekstradimi drejt Italisë, 29-vjeçari, i shpallur në kërkim ndërkombëtar për veprën penale “Trafikimi i narkotikëve”.
Shërbimet e Komisariatit të Policisë Nr.3, si rezultat i shkëmbimit të vazhdueshëm të informacionit me Interpol Tirana, bënë të mundur lokalizimin, kapjen dhe arrestimin me qëllim ekstradimin drejt Italisë, të shtetasit Gj. L, 29 vjeç, banues në Tiranë.
Arrestimi i këtij shtetasi u bë pasi Gjykata e Bergamos, Itali, ka lëshuar urdhër-arrestin ndërkombëtar për veprën penale “Trafikim i narkotikëve.”.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
